ကောက်စိုက်ဖွဲ့ ဟန်ချင်း
အေးကောင်းပျိုရွယ် သူငယ်ချင်းတို့၊
လယ်တော်တွင်းက များတတွေ။
ကိုယ်စီ က,လို့ လှစရာ၊
တို့မျက်နှာမှာ နံ့သာပြောက်လို့၊
လှည်းစာခေါက်ကို အိုင်အိုင်အေးအောင်၊
သွေးကြပါအေ့။ ။
ပန်းထိမ်လက်ခ မပေးရ၊
ထန်းပင်ကြီးက ဖြစ်သည့်ရွှေကို၊
ဆူးပန်းကုံးတွေ သွယ်ဘယက်နှင့်၊
ပေရွက်လိပ်ကြီး နားတောင်းဆင်၊
ယဉ်နိုင်အောင် ယဉ်လိုက်ချည့်။
အောင်ပင်လယ် ရွာမရိုင်း၊
တိုင်းရွှေပြည့် လက်နား။ ။
လေးရာ့နှစ်ဆယ်၊
အနံငယ် တိုထဘီနှင့်၊
ဖျင်အင်္ကျီ သစ်ခေါက်ဆိုးလို့၊
ချုပ်ရိုးတွေ သီတတန်းမှာ၊
သန်းကိုက်လို့ မယား။ ။
ကျွဲခတ်သည့်ဟန်၊
ချဗျာဆံ စုံပါးရိုက်ကို၊
ခါလိုက်ချည့် တို့အပျိုမှာ၊
ယဉ်နကို မူကြစို့၊
မရိုးဖြူဆံခွေထုံးမှာ၊
ကုံးပန်လို့ ခြားခြား။ ။
အကျွန်တို့လယ် ကောက်စိုက်တုံးက၊
ပြုံးလိုက်တဲ့ အကောင်ဟာရယ်၊
သင်း-ပါရဲ့လား အေ့။ ။
ပုံး ဖာ မှောက်ဆင်၊
တို့-လှတုန်းကို မြင်ပတဲ့အောင်၊
ငါးမျိုးဆင် ပုဝါပြောက်မှာ၊
အဖာတွေ တရာလောက်ကို၊
ဟော-မြှောက်လို့ ပြစမ်း။ … ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |