ချစ်ပုန်းငယ်မှကြိုက်ဆုံ
ချစ်ပုန်းငယ်မှကြိုက်ဆုံ၊ အလွမ်းငယ်ပင်လယ်၊
မကအောင်ကျယ်ခဲ့ပြီ၊ မြဆွယ်ပုံပန်းနှင့်၊
ဆန်းယဉ်ပုံငယ်တဲ့လေး။ ။
သက်လုံငယ်မှမချိ၊ မဆန့်ရှိအောင်၊ အမိတကယ်၊
ကြက်လိုရစ်လို့ချစ်ယောင်ပြယ်သည်၊ အသွယ်သွယ်မယ်ဆိုးလို့၊
ကွယ်ကိုးလေကော။
သဘောငယ်မှမချစ်၊ သရောဖြစ်သည်၊
မနှစ်မြို့ပြီ၊ မွှေးမျိုးငယ်မဆုံး၊ ကြင်ရန်ဘို့ကုံးပါတဲ့၊
ဂမုန်းသီကို၊ နာရီလိုချိန်စောင့်လို့၊
မောင်အောင့်တန်ဘဲ။ ။
မင်းယောက်ျားဘုန်း၊ ချိန်ဆုန်းခါသင့်၊
ပန်းမှယ်သာပွင့်လိမ့်မယ်။ မလင့်ဘူးမြညှာငဲ့၊
ရတနာရွှေ ငွေသီးပါသမို့လား၊ ဂုဏ်ကြီးချွဲလေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |