စံရှားတဲ့ခင် တေးထပ်
အတုလွန် တင်တင်တင့်
ယဉ်ယဉ်ယဉ့် တဆူ
ခင်ခင်ခင့် အမူ
မြင်မြင်သူ မနော။
ကြွေကြွေ့ကြွေ ဝေဝေ့ဝေတယ်
သေသေ့သေ ဇောပြတ်လို့မော။
ဥုံဥုံဥုံ့ မာဒန္တီလို
စာကြန်ညီ သဘော
ကြာဟန်ချီ အချောမတော့
တလောက ကမ်းကုန်။
မြေမြေ့မြေ မြေအလုံး
ကေကေ့ဘုန်း ဂိုဏ်းသတ်လို့ခြုံ။
ပြေပြေ့လို့ ဆွေဆွေ့ခုန်သည်
ရွှေရွှေ့မှုံ အသားနှင့်
တစ်ပါးတင့် ကြန်ကြန့်ကြန်
ငါးပဉ္စလျှံ
ပတ္တမြား မှန်မှန့်မှန်ငယ်
စံစံ့စံ စံရှားခင့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |