ဇမ္ဗူကျွန်းရင့် သောင်းဒီပါ
ဇမ္ဗူကျွန်းရင့် သောင်းဒီပါ။
မင်းနေသာလွန်း။ သိုက်ညွှန်းရပ်ရွှေညာ။ ။
ရေသီတာငယ်လေ။ ခွေပတ်လို့ဝန်း။ ။
မြင်ထင်တောင်ကြီး။ ကာဆီးမှိုင်းညို့ညိုငယ်လေ။
ရှုတိုင်းမောက်မို။ နုပျိုရွှေမင်းကွန်းငယ်နှင့်လေး။ ။
နိဗ္ဗာန်ကျွန်းသို့။ ရောက်ချိန်မှီ။
ရွှေကိုယ်တော်စား။ သိကြားတည်လာညီ။
မဟာစေတီငယ်လေ။ ရောင်ဖြိုးလို့ညီး။ ။
ရတနာခြင်္သေ့။ ဘုန်းဟေ့မြတ်ညီနောင်ငယ်လေ။
ဝေမြင့်သီခေါင်။ တိမ်တောင်ထိလုနီးပါလို့လေး။ ။
ရိပ်ဖြူထီးငယ်နှင့်။ ဘုန်းမီးငယ် အာဟိန်။
ရာဇိန်သာထွန်းတော့သည်။ ။
တေဇာတော်တိုးပါလို့။ ဖြူမျိုးဆဒ္ဒန် ပတ်ရံဝန်းတော့သည်။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |