တပေါင်းလဘွဲ့ တေးထပ်
မိန်ရာသီ ခါပြောင်းလို့
လတပေါင်း တူညီ
ကြယ်ပြုဗ္ဗ ဘရဂုဏ္ဏီငယ်
ရောင်စုံချည် ရှက်သန်း။
သတ်ဝီသ ပါဒ်သုညာမှာ
ဘဝါးဆာယာ လေးခုသို့မြန်း။
ဗာတ္တိံသ ညဉ့်နာရီမှာ
အဋ္ဌစမ္မီ နေ့မှန်း။
ဖူးတံစီ ထွေဆန်းလို့
အင်ကြင်းပန်း ရွှေဖီ။
သဲစေတီ တည်စမြဲပေပ
သဘင်ပွဲ ဤလရာသီ။
ပဋ္ဌမပိုဒ် အစချီသည်
မကိုဋ်ညီ ဘုမ္မစိုးငယ်နှင့်
မြေနှင့်မိုဃ်း အလုံးစုံ
သိမ်းပိုက်လို့ခြုံ။
လာဘ်လာဘ ပြည့်စုံသည်
ဇာနည်ဂုဏ် ဉာဏ်မျိုးရှင့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |