ဒဟတ်ပန်း လေးချိုး
ယဉ်မရိုင်း၊
အင်တိုင်းရယ်တဲ့ ခပ်ဆန်ဆန်။
လူမရောက်၊
ဂူ ကျောက်ချောင် တောင်ကတုံးမှာ၊
စုရုံးကာ သူတို့ ပေါက်ရှာကြ၊
အခေါက်ဖြူဖြူကလေးရယ်နှင့်၊
အခြောက်ကြူကြူ မွှေးရှာဘု၊
ကျေးငှက် ပျော်စံ။
ဇလပ်ဝါ ခတ္တာ ခ,ပါတဲ့၊
သာတန်ဆောင် ဝါခေါင်လတွင်မှ၊
ပွင့်ဖူးကြ အချိန်မှန်၊
ဝသန္တလေချိုဖျန်း။
ယဉ်မဆုံးနိုင်ဘု၊
ပင်လုံးကုန် ခိုင်ညှာတံမတော့၊
နံ့သာကျံ ဝါ ဖန် နှောပါလို့၊
လောကဓာတ်ခန်းမှာလ၊
ပြောစမှတ် ဆန်းပေရဲ့
တော ဒဟတ်ပန်း။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |