နတ်တော်လဘွဲ့ တေးထပ်
ဆောင်းဟေမန် ခါအလုမှာ
မြတ်ဓနု ရာသီ
နတ်တော်လ သိင်္ဂီငယ်
ဆစမ္မီ နေ့ကူး။
ဇောတြိ ညဉ့်နာရီမှာ
မိဂသီ မိုဃ်းလယ်ကမြူး။
နှစ်ဆယ်က တပါဒ်မှီသည်
ဘဝါးငါးလီ ရိပ်ကြူး။
ရွှေသဇင် ပင်ပေါ်ဦးက
ဖူးပွင့်စ စီစီ။
နတ်ဒေဝီ ဆိုသည့်ပွဲကိုလ
ခြိမ့်သဲအောင် ပြုပြန်တော့သည်။
နှင်းသတ်တဲ့ ကြည်ချည်မှာ
တကိုယ်ရည် အကုန်ဆွေးစေဘို့
နတ်ရေးတဲ့ ရွှေဖူးစာ
လွှဲချက်ကနာ။
စက်မယ့်သူ ဝေးကွာသည်
ရှေးကြမ္မာ ကံဟောင်းထင့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |