နန်းမတော်ဘွဲ့တေးထပ်
ဘီးပုံတော် ခွေစပတ်ကယ်နှင့်၊ ကြွေမတတ်မူရာ။
ရွှေနားကပ် မကူသာပေါင်၊ မဟူရာဆင်၍။
သိမ်ရေကျရော့ ရီးခြုံတယ်၊ ကြော့နည်းပုံ ဆန်းလိုက်ပါပေ့။
ဝတ်လဲတော် ကြိုးအဝါ၊ ခိုးနံ့သာမသွေ့။
ရိုးရှာသည့် ဓလေ့မို့၊ ပြကတေ့ယဉ်ပြန်။
မျက်လုံးတော် တမူသစ်တာက၊ ဇမ္ဗူရာဇ် သိန်းမကတန်။
ရွှေနန်းသူ ချောရှာဟန်မှာ၊ သောတာပန် မိသူဌေးကဲ့သို့၊
မြေးရှစ်ကျိပ် ရတောင်ကွယ်၊ ရှေးကထက်ငယ်။
လေးဆယ်ပြည့် ဇရာရွယ်တောင်၊ ကညာမယ် သာဘူးဖျာ့လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |