နန်းသပြေပင်ညွန့်-ချီ သံဝေဂတေးထပ်
နန်းသပြေပင်ညွန့်၊
စမ်းရေကွန့်ရိပ်ပျံ၊
ပန်းဟေဝန့်ဗိမာန် မှာ၊
အဓိဋ္ဌာန်တင်မြန်း၊
ပင်လုံးကျွတ်ပွင့်ဝေဖြာတယ်၊
ဧကစာသုံးတဲ့သင်္ခမ်း။ ။
မြတ်နွယ်ညွန့်တည်ရာမှာ၊
လည်လက်ျာခွေမြန်း၊
စည်မျက်နှာ မြေကြငှန်းငယ်သို့၊
ချွေမြန်းလို့ဆိတ်သာ၊
တင်စလွယ် ဆင်ခြယ်သ ပါလို့၊
အဋ္ဌမဂ်သုံးဆောက်တည်ကာ။ ။
တကိုယ်တည်းဆိတ်ငြိမ်ရာဝယ်၊
နိဗ္ဗိန္ဒာကြည်ဇောနှင့်၊
သည်တောဝမြိုင်ဝေဘူ၊
ပန်းစုံကကြူ၊
ကမ္မဋ္ဌာန်းရ အုဌ်ဂူမှာ၊
ရုက္ခမူ ပျော်ဆုံးပ လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |