ပျိုးကြဲ ပျိုးစိုက်ဖွဲ့ လွမ်းချင်း
မိုး-စရိုက်ပေမို့၊
ပျိုးစိုက်ကယ် ပျော်ပျော်၊
လက်စားငယ်ခေါ်သည်၊
မျက်ဝါးဖော် သူငယ်ချင်းတွေနှင့်၊
လယ်ခင်းပြန့် သမန်းပြင်မှာ၊
အငန်းတွင် သူငါဆင်းပါလို့၊
မူရာချင်း မြို့သူမှီပေါင်၊
တို့တူညီ သံချိုတေးငယ်နှင့်၊
ဖန်ညိုအေး ချိန်လောက်ဆီကို၊
အိမ်ရောက်မီ ကြဲရပြန်တယ်လေး။ ။
တိုထဘီငယ်၊ ဟိုဆီဖုံးရုံ၊
အလုံးခြုံလို့၊ ကုန်းပုံကညီ၊
ခေါင်းရေနှက်တဲ့ တဘက်နီနှင့်၊
ပလီလိုက်တာ၊
ကုပ်ပေါ်ရောက်တဲ့ ဆံတောက်ဟာကို၊
တကြော့ချည်ရုံး၊ လျော့ရီထုံးလို့၊
ပွင့်လုံးငယ် ခတ္တာ၊ ယောင်မငိုက်အောင်၊
ထောင်စိုက်ကာနှင့်၊ ကြိုက်ရှာတဲ့မောင်၊
မမြင်စမ်းစေရ၊
သွင်ပန်းကာ လောင်လိမ့်မယ်၊
တောခေါင်တဲ့ မြောက်ရွာကို၊
မရောက်လာ မြို့တော်ယွန်းဆီက၊
ကန်သင်းခုံ မို့မောင်စွန်းကို၊
လွမ်းလိမ့်မယ်လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |