မတူတန် တုဖက်က၊ မှုအချက် မှားရန်-ချီ မောင်ဩဇာအား ဆုံးမသော တေးထပ်
မတူတန် တုဖက်က၊ မှုအချက် မှားရန်
လက်ပန်မြိုင် ဌာနစံငယ်၊ အာဂမာန် ပိတ်ဖုံး၊
ရှားတောငှက် ဂနိုင်စံကို၊ မပြိုင်တန် သင်းပြိုင်လို့ရှုံး။
ခုလောက လူရှင်၊ မူအစဉ် လက်သုံး၊
ငလက်ပန် ငှက်ထုံး၊ တသက်လုံး စွဲမှီ၊
ဆရာကို အခွာစော၊ ငါတကော ကောကြရမည်။
မိသော ဖသော နားမလည်သည်၊
အသားအရည် သူက ကြီးလို့၊
အိုးသီး အိမ်သီး တဂုဏ်တသိရ်၊
ခွဲတဲ့ရမှမြိန်၊ ကိုယ့်ပမာဏ နှိုင်းမချိန်တယ်၊
အနက်အတိမ် ထောက်ထားပြီဘူ့လေး။
ဇာတ်တော်၌လာသော လက်ပန်မြိုင်ငှက်နှင့် ရှားတောငှက် ဥပမာတင်၍ မတူတန်သောသူများကို မတုပထိုက်ကြောင်းနှင့် မောင်ဩဇာအား ဆုံးမသော တေးထပ်
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |