မိုးကမ္မဝါစာတမ်း/မိုးကမ္မဝါကြီး
လယ်တီဆရာတော်ဘုရားကြီး စီရင်တော်မူသော မိုးကမ္မဝါကြီး
နမော တဿ ဘဂဝတော အရဟတော သမ္မာသမ္ဗုဒ္ဓဿ။
သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ ဝဿကာလေ သမ္မာ ဒေဝါ န ဝဿန္တိ၊ သမ္မာ မေဃာ န သိဉ္စန္တိ၊ မနုဿာ ကသိကမ္မာနိ ကာတုံ န လဘန္တိ၊ ဗီဇာနိ ဝပ္ပိတုံ န လဘန္တိ၊ ဝုတ္တာနိ စ ပုဗ္ဗဏ္ဏာပရဏ္ဏာနိ ဝုဒ္ဓိံ ဝိရုဠိံ န ဂစ္ဆန္တိ၊ အန္တရာဝ သုဿိတွာ မရန္တိ၊ တဠာကေသု စ ပေါက္ခဏီသု စ အာဝါဋေသု စ သောမ္ဘေသု စ ဥဒကာနိ ဆိဇ္ဇန္တိ၊ မနုဿာ စ တိရစ္ဆာနဂတာ စ ပါနီယဟေတု ပါနီယကာရဏာ အတိဒုက္ခပ္ပတ္တာ ဟောန္တိ၊ ဝဿကာရကာ ပဇ္ဇုန္နာ စ ဝလာဟကာ စ ဒေဝါ အတ္တနော ကိစ္စေသု ပမတ္တာ အဗျာဝဋာ အပ္ပေါဿုက္ကာ ဘဝေယျုံ၊ ယဒိ သံဃဿ ပတ္တကလ္လံ၊ သံဃော ပဇ္ဇုန္နေ စ ဝလာဟကေ စ ဒေဝေ သမနုဘာသေယျ၊ သမနုသာသေယျ၊ ဧတေ ပဇ္ဇုန္နာ စ ဝလာဟကာ စ ဒေဝါ ဣဒ္ဓိမန္တာ ဟောန္တု၊ ဇုတိမန္တာ ဟောန္တု၊ ဝဏ္ဏဝန္တော ဟောန္တု၊ ယသဿိနော ဟောန္တု၊ ပိယေဟိ မနာပေဟိ ပုတ္တေဟိ စ ဒါရေဟိ စ ဉာတိမိတ္တေဟိ စ သဟ သမ္မောဒန္တု၊ ပမောဒန္တု။
သုဏန္တု မေ ဘောန္တော၊ ပဇ္ဇုန္နာ စ ဝလာဟကာ စ ဒေဝါ ဘာသိတံ မနသိကရောန္တု၊ ပဉ္စိမေ အနန္တဂုဏာ၊ ကတမေ ပဉ္စ၊ ဗုဒ္ဓဂုဏာ အနန္တာ၊ ဓမ္မဂုဏာ အနန္တာ၊ သံဃဂုဏာ အနန္တာ၊ မာတာပိတုဂုဏာ အနန္တာ၊ အာစရိယဂုဏာ အနန္တာ၊ ဣမေ ပဉ္စ အနန္တဂုဏာ ပဇ္ဇုန္နာနဉ္စ ဝလာဟကာနဉ္စ ဒေဝါနံ သီသေသု တိဋ္ဌန္တိ၊ ပဇ္ဇုန္နာ စ ဝလာဟကာ စ ဒေဝါ ဣမေဟိ ပဉ္စဟိ အနန္တဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဗုဒ္ဓဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဓမ္မဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ သံဃဂုဏစက္ကေဟိ သမ္မာ ဒေဝေ ဝဿပေနု္တ၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ မာတာပိတုဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ အာစရိယဂုဏစက္ကေဟိ သမ္မာဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနော ကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗံ၊ အယံ သံဃဿ အနုသာသနီတိ၊ ဧသာ ဉတ္တိ။
သုဏာတု မေ ဘန္တေ သံဃော၊ ဣမသ္မံ ဂါမခေတ္တေ ဝဿကာလေ သမ္မာ ဒေဝါ န ဝဿန္တိ၊ သမ္မာ မေဃာ န သိဉ္စန္တိ၊ မနုဿာ ကသိကမ္မာနိ ကာတုံ န လဘန္တိ၊ ဗီဇာနိ ဝပ္ပိတုံ န လဘန္တိ၊ ဝုတ္တာနိ စ ပုဗ္ဗဏ္ဏာပရဏ္ဏာနိ ဝုဒ္ဓံ ဝိရုဠှိံ န ဂစ္ဆန္တိ၊ အန္တရာဝ သုဿိတွာ မရန္တိ၊ တဠာကေသု စ ပေါက္ခရဏီသု စ အာဝါဋေသု စ သောမ္ဘေသု စ ဥဒကာနိ ဆိဇ္ဇန္တိ၊ မနုဿာ စ တိရစ္ဆာနဂတာ စ ပါနီယဟေတု ပါနီယကာရဏာ အတိဒုက္ခပ္ပတ္တာ ဟောန္တိ၊ ဝဿကာရကာ ပဇ္ဇုန္နာ စ ဝလာဟကာ စ ဒေဝါ အတ္တနော ကိစ္စေသု ပမတ္တာ အဗျာဝဋာ အပ္ပေါဿုက္ကာ ဘဝေယျုံ၊ သံဃော ပဇ္ဇုန္နေ စ ဝလာဟကေ စ ဒေဝေ သမနုဘာသတိ၊ သမနုသာသတိ၊ ဧတေ ပဇု္ဇန္နာ စ ဝလာဟကာ စ ဒေဝါ ဣဒ္ဓိမန္တာ ဟောန္တု၊ ဇုတိမန္တာ ဟောန္တု၊ ဝဏ္ဏဝန္တော ဟောန္တု၊ ယသဿိနော ဟောန္တု၊ ပိယေဟိ မနာပေဟိ ပုတ္တေဟိ စ ဒါရေဟိ စ ဉာတိမိတ္တေဟိ စ သဟ သမ္မောဒန္တု၊ ပမောဒန္တု။
သုဏန္တု မေ ဘောန္တော၊ ပဇ္ဇုန္နာ စ ဝလာဟကာ စ ဒေဝါ ဘာသိတံ မနသိကရောန္တု၊ ပဉ္စိမေ အနန္တဂုဏာ၊ ကတမေ ပဉ္စ၊ ဗုဒ္ဓဂုဏာ အနန္တာ၊ ဓမ္မဂုဏာ အနန္တာ၊ သံဃဂုဏာ အနန္တာ၊ မာတာပိတုဂုဏာ အနန္တာ၊ အာစရိယဂုဏာ အနန္တာ၊ ဣမေ ပဉ္စ အနန္တဂုဏာ ပဇ္ဇုန္နာနဉ္စ ဝလာဟကာနဉ္စ ဒေဝါနံ သီသေသု တိဋ္ဌန္တိ၊ ပဇ္ဇုန္နာ စ ဝလာဟကာ စ ဒေဝါ ဣမေဟိ ပဉ္စဟိ အနန္တဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဗုဒ္ဓဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ ဓမ္မဂုဏစက္ကေဟိ သမ္မာဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ သံဃဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ မာတာပိတုဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ ဣမေဟိ အနန္တေဟိ အာစရိယဂုဏစက္ကေဟိ သမ္မာ ဒေဝေ ဝဿာပေန္တု၊ သမ္မာ မေဃေ သိဉ္စာပေန္တု၊ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနောကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗံ၊ အယံ သံဃဿ အနုသာသနီတိ၊ ယဿာယသ္မတော ခမတိ၊ ဧတေသံ ပဇ္ဇုန္နာနဉ္စ ဝလာဟကာနဉ္စ ဒေဝါနံ သမနုဘာသနာ သမနုသာသနာ၊ သော တုဏှဿ၊ ယဿ နက္ခမတိ၊ သော ဘာသေယျ။
ဒုတိယမ္ပိ ဧတမတ္ထံ ဝဒါမိ၊ သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ။ (လ)။ သော ဘာသေယျ။
တတိယမ္ပိ ဧတမတ္ထံ ဝဒါမိ၊ သုဏာတု မေ ဘန္တေ သံဃော၊ ဣမသ္မိံ ဂါမခေတ္တေ။ (လ)။ သော ဘာသေယျ။
သမနုဘဋ္ဌာ သံဃေန ပဇ္ဇုန္နာ စ ဝလာဟကာ စ ဒေဝါ န ပဇ္ဇုန္နေဟိ စ ဝလာဟကေဟိ စ ဒေဝေဟိ အတ္တနောကိစ္စေသု ပမတ္တေဟိ အဗျာဝဋေဟိ အပ္ပေါဿုက္ကေဟိ ဘဝိတဗ္ဗန္တိ၊ ခမတိ သံဃဿ၊ တသ္မာ တုဏှီ၊ ဧဝမေတံ ဓာရယာမိ။
မိုးကမ္မဝါကြီး ပြီး၏၊
-------------------