မိဿရာသီ တန်ခူးလဘွဲ့ အဲချင်း
(ဇေယတု-သဗ္ဗမင်္ဂလံ) နေနတ်ကယ်မှရာဇာ[၁]။ ။ အဿဝဏီ။ ကြယ်နှင့်ညီ[၂]။ စန္ဒီစိတြ။ တူယှဉ်ပြိုင်ပ,ကြတယ်။ လအတာကိုတဲ့လေ [၃]။ ။ သီတာငယ်မှ ပျံ့မွှန်း။ သပြေမြရည်။ တသောင်းပြည်ကို။ အောင်စည်ရွန်း[၄] လို့။ ရေသွန်းမှခါချိန်။ သောက်ရှူးဥပါ[၅]။ ကြယ်နီလာနှင့်။ ရွှေဇာပေါက်လို။ တိမ်ခိုးညိုနှင့်။ ပြိုမည့်နှယ်ချိန်[၆]။ နဂါးလိမ် လွမ်းအိမ်ဖွဲ့လို့။ မဲ့ဆီကိုမဲး။ ။ သင်းတွဲးမှ ရွှေရောင်။ ကံ့ကော် ဝတ်မှုံ။ မွှေးထုံထုံနှင့်။ ရဂုံမြိုင်ပြား[၇]။ တောတလွှားလည်း။ ငှက်ခါးတောင်လို။ ပူအောင်မဲ့ကို။ မိုဃ်းကြီးတဖွဲ့။ လေတလှဲ့နှင့်။ တဆဲ့ခြောက်တိုင်း။ မပြတ်ကယ်ဆိုင်းလို့။ မှိုင်းမှိုင်းငယ်ညိုသည်။ မ-ဖို သီတာဆိပ်ကယ်က။ ချစ်ရိပ်ညိုနွဲ့။ ။ ပြင်နာရီကား၊ ငါးဘို့ထားလို့။ ဖဝါးကမှသုံးအင်[၈]။ မိဿခွင်မှာ။ မရွှင်နိုင်တတ်၊ စန်းလွန်းပင်ပြတ်ခဲ့ပြီ၊ မြတ်ဆံကျင်တာရာက၊ တေဇာတော် ချီးပါနှင့်တော့[၉]။ ဝေသာလီပြည်ကြီးက, ထိန်ညီးရဲ့[၁၀]။ ။
မှတ်ချက်
ပြင်ဆင်ရန်- ↑ နေနတ်ကယ်မှ ရာဇာလေ (ကဗျာသင်္ဂဟမေဒနီ၊ နန္ဒမာလိနီ)
- ↑ အဿဝဏီ။ ကြယ်နှင့်ညီလို့ (ကဗျာသင်္ဂဟမေဒနီ၊ နန္ဒမာလိနီ)
- ↑ လအတာကိုတဲ့လေး (ကဗျာသင်္ဂဟမေဒနီ၊ နန္ဒမာလိနီ)
- ↑ ယွန်း (ကဗျာသင်္ဂဟမေဒနီ) ရွမ်း (နန္ဒမာလိနီ)
- ↑ သောက်ရှူးဥက္ကာ (နန္ဒမာလိနီ)
- ↑ ပြိုမည့်နှယ်ချိန်သည် (ကဗျာသင်္ဂဟမေဒနီ၊ နန္ဒမာလိနီ)
- ↑ ရဂုံမြိုင်ဖျား (ကဗျာသင်္ဂဟမေဒနီ၊ နန္ဒမာလိနီ)
- ↑ ဘဝါးသုံးအင် (ကဗျာသင်္ဂဟမေဒနီ) ဖဝါးသုံးအင် (နန္ဒမာလိနီ)
- ↑ မချီပါနှင့်တော့ (ကဗျာသင်္ဂဟမေဒနီ၊ နန္ဒမာလိနီ)
- ↑ ထိန်ညီးရဲ (ကဗျာသင်္ဂဟမေဒနီ)
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |