မောင်းမတထောင် တေးထပ်
ကိုယ့်လင်ကိုယ်သာ ချစ်စေလို့၊
ထုံးအသစ် မထင်၊
လောဘနှင့်တောထချင်၊
ဒေါသဝင်စိတ်ထား၊
ဧကန္တ လမ်းမှန်ထင်၊
ကျမ်းဂန်တွင် ရှိကြရဲ့လား။
ယောက်ျားကို မျှစားဝေ၊
ကုသိုလ်တွေ အများ၊
သဘောဉာဏ် ယူသင့်သားနှင့်၊
ရန်စကား သူကြွယ်၊
အင်မတန် လင်မာန်ရောက်၊
ဆင်ရန်ပေါက် နင်းပြန်တော့တယ်။
ဝိဓူရ မတ်ဘုန်းကြွယ်ငယ်၊
အသိမ်းဝယ် မဆိုထားပါနှင့်၊
မယားကြီး တထောင်စံ၊
ကျမ်းထွက်အမှန်၊
မောင်လိုနုတဲ့ ပုထုဇန်ကို၊
မယ်ဆိုရန် ရှိဘူးကွဲ့လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |