ယင်းမာပင် နွယ်သာကီသံဖြတ်
အသဲချမ်းခဲ့ ချင်းလာအင်
ငနဲဖမ်းတဲ့ ရင်းမာပင်တော့် ၊
ပွေငြိဇောဖွဲ့ ပြင်းစွာငင်
ကေနိကောတဲ့ ရင်းမာပင်တော် ၊
သက်သက်ဆွဲလို့ ပြင်းစွာရွှင်
ပက်လက်လဲတဲ့ ရင်းမာပင်တော် ၊
ဦးလှုံချရဲ့ ဖြေတင်းပါ
ဒူးတုန်ရတဲ့ ရွှေရင်းမာတော် ၊
လော်လည်နဲနှင့် ပွေခင်းဖြာ
ဘော်လီပြဲတဲ့ ရွှေရင်းမာ ၊
အတော်ရွံ့ရဲ့ လေညှင်းစွာ
မအော်ဝံ့တဲ့ ရွှေရင်းမာ ၊
အကြောတွန့်ခဲ့ သေခင်းဖြာ
မပြောဝံ့တဲ့ ရွှေရင်းမာ ၊
အတင်းလွန့်ရဲ့ ခြေဆင်းကာ
မငြင်းဝံ့တဲ့ ရွှေရင်းမာ ။
အမယ်မင်းငယ်မှ
ရင်းမာ ပိတောက် ၊တောတလျှောက်မှာ
မောစလောက်ပဲ
အပွေတစ်မျိုး အခြေညှိုး ၊ရေအိုးကွဲအောင်
ငနဲပြုချက်
တွေးလိုက်တိုင်း အမှု့လှိုင်လို့
ယခုတိုင် ရှက်ပါရဲ့ ၊
ကုန်းထက်က တွင်းရေချို
ရင်းမာ ပိတောက် ၊သစ်ပင်အောက်မှာ
မယ်လျှောက်လို့ ငိုလေ ။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |