ရတနာပူရမှာ တေးထပ်
ရတနာပူရမှာ၊
ဆင်ဖြူများသခင်၊
တဒင်္ဂသမင်ကို၊
မဆင်ခြင်လိုက်မှား၊
မန်းသိန္ဒုတောင်စဉ်နွယ်သည်၊
အောင်ပင်လယ် တော၌ကစား။
လက်ျာရစ်ခရုငွေကို၊
သမုဆွေဆောင်သွား၊
နုပီယေစကားနှင့်၊
လှည့်ဖျားတဲ့ဇော်ဂျီ၊
လက်ဖျစ်သံတချက်တီးရုံနှင့်၊
နတ်သမီးဆင်းကျရသည်။
မေထုနသံဝါမှီသည်၊
ရုဿတီကွယ်ပ လို့၊
တဒင်္ဂဆင်ဖြူရှင်၊
ရူးလေသည့်သွင်၊
သည်ကသို့ဖြစ်ထုံးတင်လျှင်၊
ချစ်တုံးတွင်ခွဲပါနှင့်လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |