လမင်းထက် နှစ်လေးသာ
ကောင်းခြောက်ဆယ်လေးရပ် (နှင့်) [မှ]၊
သွေးထပ်ထပ် ရုပ်ညီ၊
ရှေးနိပါတ် ထုတ်မှီသည်၊
ဖုဿတီ ထွတ်(ထွဋ်)ထား၊
ဗိမ္မာနတ် ကိန္နရီလို၊
တသိင်္ဂီ ယိုးတော့မမှား။
ဥမ္မာဒ ရုစာ(ဇာ)မယ်လို၊
နုရှာတယ် အသား၊
ကုမုနွယ် (မုခနွယ်) [သမုနွယ်] နှုတ်ဖျားက၊
ပတ္တမြား သဖွယ်၊ (ပတ္တမြား မြသဖွယ်)
ကြယ်ဥက္ကာ ညဉ့်ရောင်မီးလိုပ၊
ခင့် [မင့်] မောင်ကြီး ထင်လိုက်လှတယ်။
မြင့်ဆောင်ထီး ညောင်လယ်မှာ၊ (မြင့်ဆောင်ထီး အလယ်မှာ)
ရှုစဘွယ် ပဝင်းလို့၊
လမင်းထက် နှစ်လေးသာ၊
ဧမြလိုက်တာ၊
မြင်ရသူ [သူ့] ဖေသက်သာတယ်၊
ရွှေမျက်နှာ ကြည်လွန်းလို့လေး။ ။ (ရွှေမျက်နှာ ကြည်လွန်းလှလေး)
မှတ်ချက်
- ( ) အတွင်းရှိစာသားမှာ ဦးတင့်ဆွေ၏ ကဗျာဖွဲ့နည်းနိသျည်း စာအုပ်မှ မူကွဲဖြစ်သည်။
- [ ] အတွင်းရှိစာသားများမှာ ဂီတဝိသောဓနီကျမ်း (ဒုတိယအကြိမ် ပုံနှိပ်ခြင်း)၊ အပိုင်း-၄၊ ပကဏ္ဏိက ကဏ္ဍ၊ တေးထပ်များ၊ (စာမျက်နှာ-၂၇၁)။ အမှတ်-၂၊ တေးထပ်မှ မူကွဲဖြစ်သည်။ ဘိုးသူတော်ဦးမင်းရေးသော တေးထပ်ဟု တွေ့ရသည်။
- အချို့က ဤတေးထပ်ကို ဘကြီးတော် ခေါ် စစ်ကိုင်းမင်း၏ မိဘုရားခေါင်ကြီး နန်းမတော်မယ်နုအား မြှောက်ပင့် ချီးကျူးရေးသားသော ဘုန်းတော်ဘွဲ့ဟု ဆိုကြသည်ကို မှတ်သားဖူးပါသည်။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |