လာခဲ့ပကျုပ်တို့ရွာ
ခါတလှဲ့၊ လာခဲ့ပကျုပ်တို့ရွာ၊
ဝေးမကွာ၊ ပြေးလာလျှင် တာမထောက်ပါဘူ့၊
ရွာမြောက်က မန်ကျည်းစဉ်၊
ရွာဝင်မှာ ပင်စောင်ချမ်းငယ်နှင့်၊
မြောက်လမ်းကွေ့ အနောက်ဆွယ်မှာ၊
ကြောက်စဖွယ် မျက်နှာထားပါလို့၊
ရွာသားတွေ အာဏာကြို့ရ၊
မင်းပြည်စိုး အိမ်အိုတောင်မှာ၊
အခေါင်စောက်နှင့်တဲကိုလေး။ ။
ဖျာမလွန်၊ နွားခွံအခင်း မြေတလင်းမှာ၊
နေခင်းပျော်အင် လိမ်းကျောက်ပျဉ်နှင့်၊
ဗိုင်းငင်ဝါဖန်၊ အိမ်လုံးသာညံတော့၊
သန်းယံချိန်ကျော်၊ သူငယ်ချင်းကိုလှ၊
အပျင်းပြေဖျော်ရအောင်၊
လုံးတော်ပုပြောင်းဆန်ကို၊
ပေါင်းလန်အောင် ဖျော်ဟင်းငယ်နှင့်၊
ဦးရင်းရေမျို ချဉ်းအောင်၊
သွင်းစေ့မယ်လေး ။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |