သင်းသေဟဲ့ဆိုသလို ဒွေးချိုး
သနင်းဆွေ ကင်းကွေခဲ့သူမို့၊
ပြူတင်းလေ နှင်းငွေသွဲ့ရင်ဖြင့်၊
သင်းသေဟဲ့-ဆိုသလို။
တကိုယ်တည်းဟာမို့၊
ဖိုမီးလှုံလို့ ကွေးသော်လည်း၊
အေးလှလို့ငို။
စနေနံ-ငွေခြင်္သေ့ရယ်နှင့်၊
ရဝေစံ မေခင်ပွေ့ပါလို့၊
ရွှေရင်ငွေ့ မတွေ့လို၊
သွေ့ကိုယ်ဖြင့် မရှိကောင်း။
မချင့်လေ၊
သည်ညဉ့်တာ ရှည်စေလို့၊
ဗြဟ္မာတွေ ကမ္ဘာဘက်စဉ်က၊
ပြက္ခဒိန် သည်လိုရေးခဲ့တယ်၊
ဘေးသင့်တဲ့ဆောင်း။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |