သဒ္ဒသံခိပ်/သန္ဓိပိုင်း
နမော တဿ ဘဂဝတော အရဟတော သမ္မာသမ္ဗုဒ္ဓဿ။
(၁) ထွန်းတက်ဘုန်းရှိန်၊ လင်းလင်းထိန်၊ ဇိနိန်-နမာမိ။
(၂) သဒ္ဒါတတ်မှ၊ စာတတ်လှ၊ အတ္ထအမှန်သိ။
(၃) အနက်မြင်သန်၊ အကျင့်မှန်၊ နိဗ္ဗာန်မလွဲဘိ။
(၄) အက္ခရာ, ဝဏ္ဏ၊ ပုဒ်, ဝါကျ၊ ဂန္ထ, အစဉ်သိ။
(၅) အ, အံ, ဆုံးလစ်၊ လေးဆယ့်တစ်၊ နက်လှစ် ဝဏ္ဏဟူ။
(၆) အ, ဩ, ရှစ်တန်၊ သရမှန်၊ အသံ ဇာတိဟူ။
(၇) အ, ဣ, ဥ, ကို၊ အသံတို၊ ခေါ်ဆို ရဿဟူ။
(၈) အာ, ဤ, ဦ, ဧ၊ ဩ, ငါးထွေ၊ အရှေ ဒီဃဟူ။
(၉) ရသ်, ဒီ, နှစ်ဆူ၊ သုံးစုံမူ၊ သံတူ သဝဏ္ဏ။
(၁၀) က, အံ, အဆုံး၊ သုံးဆယ့်သုံး၊ ခေါ်ထုံး ဗျဉ္ဇန။
(၁၁) က, မ, ဆုံးငြား၊ နှစ်ဆယ့်ငါး၊ ငါးပါးစု, ဝဂ္ဂ။
(၁၂) အံ, ဟုဆိုမှု၊ ဗျည်းဗိန္ဒု၊ နှိပ်မှု နိဂ္ဂဟိတ။
မူလ သညာရာသီ ပြီး၏။
------- * ------
(ဥရ =ရင်၊ ကဏ္ဌ =လည်ချောင်း၊ တာလု = အာစောက်၊ မုဒ္ဓ =အာခေါင်၊ ဒန္တ =သွား၊ ဩဋ္ဌ =နှုတ်ခမ်း၊ နာသိကာ =နှာခေါင်း။ ။ ဆောင်ပုဒ်။)
(၁၃) ရင်, လည်, အာ, အာ၊ သွား, နှုတ်, နှာ၊ ဖြစ်ရာ ဌာန်ခုနစ်။
(ဇိဝှါမဇ္ဈ = လျှာလယ်၊ ဇိဝှေါပဂ္ဂ = လျှာဖျား၏အနီး၊ ဇိဝဂ္ဂ =လျှာဖျား၊ သကဋ္ဌာန = မိမိဌာန်။ ။ ဆောင်ပုဒ်။)
(၁၄) လျှာလယ်, လျှာဖျား၊ နီးအပါး၊ ဌာန်အား, ကရိုဏ်းလေး။
(သံဝုဋ= ဌာန်ကရိုဏ်းတို့၏ပိတ်ခြင်း၊ ဝိဝဋ= ဌာန်ကရိုဏ်းတို့၏ဖွင့်ခြင်း၊ ဖုဋ္ဌ= ဌာန်ကရိုဏ်းတို့၏ထိခြင်း၊ ဤသံဖုဋ္ဌ= ဌာန်ကရိုဏ်းတို့၏ စဉ်းငယ်ထိခြင်း။ ဆောင်ပုဒ်။)
(၁၅) ပိတ်မှု, ဖွင့်မှု, ထိ, နှစ်ခု၊ ခေါ်မှု ပယတ်လေး။
(၁၆) ကဝဂ်, ပဉ္စ၊ အဝဏ်, ဟ၊ အဋ္ဌ, ကဏ္ဌဇာ။
(၁၇) စဝဂ်, ပဉ္စ၊ ဣဝဏ်, ယ၊ အဋ္ဌ တာလုဇာ။
(၁၈) ဋဝဂ်, ပဉ္စ၊ ရနှင့်ဠ, သတ္တ, မုဒ္ဓဇာ။
(၁၉) တဝဂ်, ပဉ္စ၊ လ, နှင့် သ၊ သတ္တ, ဒန္တဇာ။
(၂၀) ပဝဂ်, ပဉ္စ၊ ဥဝဏ္ဏ၊ သတ္တ, ဩဋ္ဌဇာ။
(၂၁) လည်-အာ, ဧ, ဟုတ်၊ ဩ, လည်-နှုတ်၊ သွား- နှုတ်, ဝ, ခရာ။
(၂၂) ဝဂ္ဂန်, ငါးခု၊ ဗျည်းဗိန္ဒု၊ ခြောက်ခု, နှာခေါင်းမှာ။
(၂၃) ယ, ရ, လ, ဝါ၊ အန္တဋ္ဌာ၊ ငါးဖြာ ဝဂ္ဂန္တ။
(၂၄) ထိုနှင့်ယှဉ်ခါ၊ ဟ, ခရာ၊ ရင်မှာ မိန့်ဆိုကြ။
(၂၅) တာလုဌာန်ဖြစ်၊ ခရာရှစ်၊ ဖြစ်ကြောင်း လျှာလယ်မှီး။
(၂၆) မုဒ္ဓ ဌာန်ဖြစ်၊ ထိုခုနစ်၊ ဖြစ်ကြောင်း လျှာဖျားနီး။
(၂၇) ဒန္တ ဌာန်ဖြစ်၊ ထိုခုနစ်၊ ဖြစ်ကြောင်း လျှာဖျားတည်။
(၂၈) သည်မှကြွင်းမြင်၊ လေးရပ်တွင်၊ ဌာန်ပင် ကရိုဏ်းတည်း။
(၂၉) သံဝုဋ-အ၊ ကြွင်းသရ၊ သ, ဟ, ဝိဝဋ်ဟူ။
(၃၀) ဝဂ်, မှာ ဖုဋ္ဌ၊ အန္တဋ္ဌ၊ ဤသံဖုဋ္ဌယူ။
ဌာန်၊ ကရိုဏ်း၊ ပယတ်ရာသီပြီး၏။
------- * ------
(သိထိလ = လျော့သောအသံ၊ ဓနိတ = ပြင်းသောအသံ၊ ဒီဃ = ရှည်သောအသံ၊ ရဿ = တိုသောအသံ၊ ဂရု = လေးသောအသံ၊ လဟု = ပေါ့သောအသံ၊ နိဂ္ဂဟိတ = ပိတ်သောအသံ၊ ဝိမုတ္တ = လွှတ်သောအသံ၊ သမ္ဗန္ဓ = ပုဒ်စပ်၍ ရွတ်သော အသံ၊ ဝဝတ္ထိတ = ပုဒ်ဖြတ်၍ ရွတ်သောအသံ။ ။ အသံဆယ်ပါးဆောင်ပုဒ်။)။
(၃၁) လျော့, ပြင်း, ရှည်, တို၊ လေး, ပေါ့, ဆို၊ ပိတ်သို, လွှတ်, စပ်, ဖြတ်။
(၃၂) ဝဂ်တွင် ပ, တ၊ သိထိလ၊ ဒု, စ, ဓနိမှတ်။
(၃၃) ဒီ, သံယုဂ်, နှောင်း၊ ဗိန္ဒု, ဆောင်း၊ လေးတောင်း ဂရုဖတ်။
(၃၄) သံယုဂ်၏ရှေး၊ ဩ, နှင့် ဧး၊ အလေး ရဿမှတ်။
(၃၅) နိဂ္ဂဟိတ်မူ၊ အပိတ်ဟူ၊ ကြွင်းမူ အသံလွှတ်။
သဒ္ဒါဆယ်ပါးပြီး၏။
------- * ------
(၃၆) ဗိန္ဒုမှီရာ၊ ရှေ့၌သာ၊ နောက်မှာ ကျန်ဗျည်းများ။
(၃၇) သဒ္ဒအရာ၊ ကွစိ, ဝါ၊ လျော်ရာ ကျမ်းဆုံးသွား။
(၃၈) စကားဝိသေ၊ ဆိုတုံပေ၊ ပယ်လေ နက်တစ်ပါး။
(၃၉) ယှဉ်ဖက်, ပြန်ဖက်၊ ပယ်ရန်ထွက်၊ ကိံချက် အပြီးထား။
သာမညရာသီပြီး၏။
------- * ------
(လောပ = ချေသောသန္ဓိ၊ ဒီဃ = ဒီဃပြုသောသန္ဓိ၊ ရဿ = ရဿပြုသောသန္ဓိ၊ ဝုဒ္ဓိ = ဧဝုဒ္ဓိ, ဩဝုဒ္ဓိ, ပြုသောသန္ဓိ၊ အာဒေသ =သရကိုဗျည်း၊ ဗျည်းကိုသရပြုသောသန္ဓိ၊ ဝိကာရ =သရကို သရတစ်ပါး၊ ဗျည်းကို ဗျည်းတစ်ပါး ပြုသောသန္ဓိ၊ ပကတိ = ပကတိပြုသောသန္ဓိ၊ အာဂမ =လာသောသန္ဓိ၊ ဒွိဘာဝ =ဒွေဘော်ပြုသောသန္ဓိ၊ မဟာပဒေသ = အရာကျယ်စွာ ညွှန်းပြရာဖြစ်သော မဟာပဒေသသန္ဓိ။ ။သန္ဓိဆယ်ပါး ဆောင်ပုဒ်။)။
(၄၀) အကြေ, ဒီဃ၊ ရဿ, ဝုဒ္ဓါ၊ အာဒေသာ၊ ဝိကာ, ပကတိ။
(၄၁) အာဂုမ်, ဒွေဘော်၊ ပဒေသော်၊ ဆယ်ပေါ် မျိုးသန္ဓိ။
(၄၂) သရနှစ်ထွေ၊ ရှေ့နောက်နေ၊ ချေလေတစ်ခုခု။
(၄၃) ဗိန္ဒု, နောက်တွင်၊ အဿမြင်၊ အသ်, လျှင် ကြေစမြဲ။
(၄၄) ဗိန္ဒု, နောက်တွင်၊ သရမြင်၊ ယင်းလျှင် ကြေစမြဲ။
(၄၅) ဧကသရ၊ ဗျည်းသုံးဝ၊ အစ, ကြေတစ်ခု။
(၄၆) သရ၎င်း၊ ဗျည်း၎င်း၊ နှောင်းလျှင်, ကြေဗိန္ဒု။
(၄၇) စကားပြေတုံ၊ ဆန်းဂိုဏ်းကြုံ၊ လုံးစုံကြေသမှု။
လောပရာသီပြီး၏။
------- * ------
(၄၈) အကြေ, အပြု၊ နှစ်ခုအကျန်၊ ရဿမှန်၊ ဒီဃံအချို့ပြု။
(၄၉) စကားပြေညောင်း၊ ဆန်းဂိုဏ်းကောင်း၊ ဗျည်းနှောင်း ဒီဃပြု။
(၅၀) သံယုဂ် အာဂုမ်၊ ဆန်းဂိုဏ်ကြုံ၊ လုံးစုံရဿပြု။
ဒီဃ, ရဿ, ရာသီပြီး၏။
------- * ------
(၅၁) အပြု, အကြေ၊ နှစ်ထွေအကျန်၊ ဣ, ဥဝဏ်၊ နှစ်တန်ဧ, ဩ, ပြု။
(၅၂) သရမှရှေး၊ ဣဝဏ်, ဧး၊ ပြုရေးယ, ဗျည်းသိ။
(၅၃) ဥဝဏ်, ဩ, မူ၊ ဝ, ပြုဟူ၊ ထိုတူ တိ, ၏-ဣ။
(၅၄) ဣဝဏ်, ဣယ၊ ပြုမြဲပြ၊ ဥဝ, ဥဝဏ်သိ။
(၅၅) ဂေါ, ၏-ဩ, ကို၊ အဝ, ဆို၊ ဣ, ကို-ဣဝ, သိ။
(၅၆) ဗျည်းရှေး-ဝ, ကို၊ ဩ, ပြုလို၊ သိ, ကို-ဩ, အာ, ပြု။
(၅၇) အဝ, ကိုမူ၊ ဩ, ဥ, ဟူ၊ ထိုတူလျော်တိုင်းပြု။
(၅၈) သရနောက်ရှိ၊ နိဂ္ဂဟိ၊ ပြုဘိ-ဒ, မ, ယ။
(၅၉) ဝဂ်ဗျည်းနောက်ရှိ၊ နိဂ္ဂဟိ၊ ပြုဘိဝဂ္ဂန္တ။
(၆၀) ဗျည်းလျှင်နောက်ရှိ၊ နိဂ္ဂဟိ၊ ပြုဘိ ပရရုပ်။
(၆၁) ဧဝနှင့်ဟိ၊ နောက်၌ရှိ၊ ပြုဘိ ရံခါည။
(၆၂) ထိုနိဂ္ဂဟိ၊ နောက်ယရှိ၊ ပြုဘိအစုံည။
အာဒေသရာသီပြီး၏။
------- * ------
(၆၃) ဧ, ဩ, နှစ်ခု၊ အ, အပြု၊ ကြွင်းစုပါဌ်လျောက်သိ။
(၆၄) ဝဂ်တွင်ပထမ၊ နိ, နောက်ကျ၊ ဒုတိယဗျည်းပြု။
(၆၅) က, ကိုကားယ၊ ခ, ကို-ဆ၊ ဂ, ကို-ကကြီး,ပြု။
(၆၆) ဃ, ဟ, နှစ်မူ၊ ပြန်ဖက်ယူ၊ ယမူ, ဝ, လည်းပြု။
(၆၇) တ-ကိုကား-ဋ၊ ထ, ကို-ဌ၊ ဓ, ဟ, ပြန်ဖက်ပြု။
(၆၈) န, ကိုကား-ဏ၊ ရ, ကို-လ၊ ဝ, မူ-ဗ, ဗျည်းပြု။
(၆၉) က, စ, ဋ, ပ၊ လေးဝဂ္ဂနှင့်၊ လ, သ, နောက်ပေ၊ ယ,မြင်ထွေ၊ ပြုလေ-ပုဗ္ဗရုပ်။
(၇၀) ယ, နှင့်တွဲယှဉ်၊ တ, ဝဂ်မြင်၊ အစဉ်-စ, ဝဂ်ပြု။
(၇၁) ယ, နှင့်ယှဉ်က၊ ဏ, ရ, ဝ၊ ည, ယျ, ဗ္ဗ, ဗျည်းပြု။
ဝိကာရသန္ဓိပြီး၏။
------- * ------
(၇၂) ထိုထိုသန္ဓိ၊ မလိုဘိ၊ ပကတိသာပြု။
ပကတိသန္ဓိပြီး၏။
------- * ------
(၇၃) ပုဒ်၏တန်းဆာ၊ လျော်ကန်ရာ၊ လာပါရှစ်သရ။
(၇၄) ဂ, စ, တ, ဒါ၊ န, မ, ယာ၊ ရ, ဝါ, ဟ, နှင့်ဠ။
(၇၅) သရနှောင်းရာ၊ လာတုံပါ၊ န, မှာ-ဗျည်း, သရ။
(၇၆) ဝဏ္ဏနှောင်းရာ၊ ဗိန္ဒုလာ၊ မြဲစွာ-ယ, တ, မှ။
အာဂမရာသီပြီး၏။
------- * ------
(၇၇) သရ-ရှေးရှိ၊ ဗျည်းဇာတိ၊ ဒွိရုပ်ဒွေဘော်ပြု။
(၇၈) ဒု, စတု, တွင်၊ ဒွေဘော်မြင်၊ ထက်လျှင်-ပ, တ, ပြု။
(၇၉) ဥ, ဒု, နိ, နောက်၊ ဒွေဘော်ရောက်၊ ပါဌ်လျောက် အကုန်ရှု။
(၈၀) ဝိစ္ဆာပဒ၊ ဘိက္ခည၊ ပဒဒွေဘော်ပြု။
(၈၁) အာမေဍိတ၊ တိဿယ၊ ပဒဒွေဘော်ပြု။
ဒွေဘာဝရာသီပြီး၏။
------- * ------
(၈၂) ဆန်းကြယ်ပါဠိ၊ နည်းကိုသိ၊ ဝိဓိ-အများပြု။
(၈၂) ပိုဒ်ပေါင်း ရှစ်ဆယ်၊ ကဗျာခြယ်၊ ဤဝယ်သန္ဓိပြီး။
သဒ္ဒသံခိပ်သန္ဓိပြီး၏။
------- * ------