သဒ္ဒသံခိပ်/သမာသ်ပိုင်း
(၆၁၉) အနက်ဝိဘတ်၊ ပြားလတ်တုံငြား၊ ပုဒ်အများကို၊ မပြားစေဘဲ၊ ပုဒ်ချင်းတွဲ၊ ခေါ်မြဲ-သမာသ်ပေ။
(၆၂၀) ဗဟုဗ္ဗီဟိ, တပ္ပုရိ၊ ဗျယိ, ဒွန်လေးထွေ။
(၆၂၁) အနက်သင့်မြတ်၊ ပုဒ်ဝိဘတ်၊ သမာသ်တွင်းမှာကြေ။
(၆၂၂) ပုဒ်ချင်းစပ်နည်း၊ သမာသ်ပြီးက၊ အရ သရုပ်၊ အညပုဒ်၊ ဗဟုဗ္ဗီဟိပေ။
(၆၂၃) အည ပုဒ်ဝယ်၊ ခုနစ်သွယ် ဝိဘတ်၊ ထင်တုံလတ်၊ သမာသ်ခုနစ်ထွေ။
(၆၂၄) ဒွိ, တိ, ပဒါ၊ ဘိန္နာဓိကရဏ၊ သင်္ချာဘ, နှင့်၊ ဗျတိဟာရံ၊ ဒိသန္တရာ၊ ဥပမာပုဗ္ဗ၊ သဟ, န, ကု၊ ပုဗ္ဗ, စု၊ ဆယ်ခု-ပြားတုံပေ။
(၆၂၅) နှစ်, သုံး, ပုဒ်ရှိ၊ တွဲယှက်ဘိ၊ ဒွိ, တိ, ပဒတည်း။
(၆၂၆) ဝိဘတ်နှစ်ဖြာ၊ မတူပါ၊ ဘိန္နာဓိကရဏ။
(၆၂၇) ဝါ, အနက်၌၊ နှစ်ချက်သင်္ချာ၊ တွဲယှက်လာ၊ သင်္ချာဥဘယ။
(၆၂၈) သမာသ်ပုဒ်-ဒွိ၊ ဆန့်ကျင်ဘိ၊ ဗျတိဟာရလက္ခဏ။
(၆၂၉) သမာသ်-ဒိသံ၊ ထောင့်-အညံ၊ ဒိသန္တရာဠတ္ထ, တည်း။
(၆၃၀) ပုဒ်ဥပမာ၊ ရှေးရှိလာ၊ ဥပမာပုဗ္ဗ, တည်း။
(၆၃၁) သဟ, ကု, န၊ ရှေးရှိက၊ သဟပုဗ္ဗ, စသည်တည်း။
(၆၃၂) အတဂ္ဂုဏံ၊ တဂ္ဂုဏံ၊ သံဝိညာဏ-ဒွိ။
(၆၃၃) သမာသ်-အနက်၊ အည-နက်တွင်၊ မဝင်, ဝင်၊ နှစ်ပြင်ခွဲဝေသိ။
(၆၃၄) အည-ပုဒ်၏၊ လိင်, ဝုစ်, ဝိဘတ်၊ ယူမြဲမှတ်၊ သမာသ်ဗဟုဗ္ဗိ။
ဗဟုဗ္ဗီဟိပြီး၏။
------- * ------
(၆၃၅) နောက်ပုဒ်အရ၊ ပဓာန၊ သုံးဝ-တပ္ပုရိ။
(၆၃၆) ကမ္မဓာရည်း၊ ဒိဂု, လည်း၊ တသီး-အမာဒိ။
(၆၃၇) ဝိသေသန၊ ဝိသေသျ၊ ပဒ-နှစ်မူ၊ အနက်တူ၊ မှတ်ယူကမ္မဓာရည်း။
(၆၃၈) စ, တ, ယှဉ်မှု၊ မယှဉ်မှု၊ နှစ်ခုဝိဂြိုဟ်နည်း။
(၆၃၉) ရှေ့နေ, နောက်နေ၊ အစုံနေ၊ ဝိသေသန-သုံး။
(၆၄၀) ရှေ့နောက်, နှစ်ဖြာ၊ ဥပမာ၊ လျော်ရာယှဉ်မြဲထုံး။
(၆၄၁) ဣတိ, သဒ္ဒါ၊ ဟုတွာ, ဘူတ၊ သင်္ခါတ၊ ယှဉ်ကသမ္ဘာဝနာ။
(၆၄၂) ဧဝ, သဒ္ဒ၊ ယှဉ်တုံက၊ အဝဓာရဏာ။
(၆၄၃) ဒွိ, တိ, ပဒ၊ ကု, န, ပါဒိ၊ ရှေ့ပုဒ်ရှိ၊ ခေါ်ဘိ- ထိုသညာ။
(၆၄၄) သမာသ်-နှစ်ပုဒ်၊ လိင်, နှင့်-ဝုစ်, မူ၊ မတူလည်းရှိ၊ တူလည်းရှိ၊ ဝိဘတ်မကွဲရာ။
ကမ္မဓာရည်းပြီး၏။
------- * ------
(၆၄၅) သင်္ချာရှေးရှိ၊ နက်တူဘိ၊ ဒိဂု, အမည်ပေး။
(၆၄၆) အသမာဟာ၊ သမာဟာ၊ နှစ်ဖြာ-ဒိဂုဒွေး။
(၆၄၇) နပုန်းသကာ၊ ဆုံးသည်မှာ၊ သမာဟာရ, တည်း။
(၆၄၈) တိလိင်, အနေကာ၊ ဆုံးသည်မှာ၊ အသမာဟာရ, တည်း။
ဒိဂုပြီး၏။
------- * ------
(၆၄၉) ဝိဘတ် ခြောက်ထွေ၊ ရှေ့ပုဒ်နေ၊ ခြောက်ထွေ-အမာဒိ။
(၆၅၀) ဣတိ, ကြေရာ၊ ရှေ့ပုဒ်မှာ၊ ပထမာလည်းရှိ။
(၆၅၁) ဝိဘတ်အနက်၊ အများထွက်၊ ပြားချက်-အမာဒိ။
အမာဒိပြီး၏။
တပ္ပုရိသ်သမာသ်ပြီး၏။
-------- * -------
(၆၅၂) နိပါတ်, ဥပသာ၊ ရှေ့ပုဒ်လာ၍၊ ရှေ့သာ-အတ္ထ၊ ပြဋ္ဌာန်းလှဘိ၊ အဗျယိ၊ လိင်ရှိ-နပုန်းတည်း။
(၆၅၃) ဝိဘတ်ခုနစ်ထွေ၊ နောက်ပုဒ်နေ၊ ပြားလေ-ခုနစ်တည်း။
(၆၅၄) ဥပသာရှေး၊ နိပါတ်ရှေး၊ ပြားရေး-နှစ်ထွေတည်း။
(၆၅၅) ဒီဃ, ငါးထွေ၊ အဆုံးနေ၊ ပြုလေ-ရဿ, ချည်း။
(၆၅၆) အ, မှ-မှောက်တုံ၊ ဝိဘတ်ကြုံ၊ အကုန်-အံ, ချည်းပြု။
(၆၅၇) ဣ, ဥ, နောက်တုံ၊ ဝိဘတ်ကြုံ၊ အကုန်ကြေသမှု။
(၆၅၈) လိင်, ဝိဘတ်, ဝုစ်၊ ပြားမလှုပ်၊ ရုပ်နေမြဲတစ်ခု။
အဗျယီဘောပြီး၏
-------- * -------
(၆၅၉) ပုဒ်တိုင်းပထမာ၊ စ, ယှဉ်ကာ၊ ဆည်းရာ-ဒွန်သမာသ်။
(၆၆၀) သမုစ္စယာ၊ အနွာစယ၊ ဟာရ, နှစ်ချက်၊ လေးမျိုးထွက်၊ အနက်ဆည်းရိုးမှတ်။
(၆၆၁) ဝါကျ၌သာ၊ ရှေ့နှစ်ဖြာ၊ ဟာရ-နှစ်သမာသ်။
(၆၆၂) နပုန်းဧကာ၊ ဆုံးသည်မှာ၊ သမာဟာရ, မှတ်။
(၆၆၃) သတ္တ, အင်္ဂါ၊ ယာဉ်, အင်္ဂါနှင့်၊ ရုက္ခာ, တိဏ၊ ပသု, စသား၊ များလှကုန်စွာ၊ သမာဟာ၊ ကျမ်းလာ အစဉ်မှတ်။
(၆၆၄) ဣတရိတရ၊ ယောဂသညာ၊ အသမာ, နေကာတိလိင်မှတ်။
ဒွန်သမာသ်ပြီး၏။
သမာသ်အပြား ၆-ပါးပြီး၏
------- * ------
(၆၆၅) ယုတ္တ, အယုတ္တ၊ အလုတ္တ, နှင့်၊ လုတ္တ, နှစ်ဖြာ၊ နိစ္စာ, နိစ္စ၊ သဒ္ဒ, အတ္ထ၊ သဒ္ဒတ္ထ, တိ၊ အာဒိ, မဇ္ဈ၊ ဥတ္တရ, လောပီ၊ နှစ်သုံးလီ၊ ပြားသည်သမာသ်မျိုး။
(၆၆၆) အနက်မစပ်၊ သဒ္ဒါစပ်၊ သဒ္ဒ, အယုတ္တ,။
(၆၆၇) သဒ္ဒါမစပ်၊ အနက်စပ်၊ အတ္ထ, အလုတ္တ,။
(၆၆၈) အဗျယိ, နှင့်၊ နိပါတ်-ဥပသာရ၊ ရှေ့ပုဒ်ကျ၊ နိစ္စ, သမာသ်, တည်း။
(၆၆၉) ဥပပဒ၊ ကိတန္တ၊ နိစ္စ, သမာသ်တည်း။
သမာသ်အပြားတစ်မျိုးပြီး၏။
------ * -----
(၆၇၀) ဗဟုဗ္ဗီလဲ၊ ကမ္မဓာရဲဝယ်၊ အမြဲ-ဣတ္ထိ၊ တုလျတ်ရှိက၊ ဘာသိတ-ပုံး၊ ဣတ္ထိဆုံး၊ ပုံးရုပ်ဖြစ်စမြဲ။
(၆၇၁) န, သဟ, ကု၊ ရှေးပုဒ်စု၊ ပြုလေ-အ, သ, ကာ။
(၆၇၂) သရနှောင်းပြန်၊ န, ကို-အန်၊ ကံ, လည်း-ကု, ကိုသာ။
(၆၇၃) သန္တ, သမာန၊ ရှေ့ပုဒ်ကျ၊ သ, လည်းပြုအပ်စွာ။
(၆၇၄) ဣကာရန္တ၊ နောက်ပုဒ်ကျ၊ အလည်းပြုအပ်စွာ။
(၆၇၅) အပြုအကြေ၊ အထွေထွေ၊ များလေရှေ့ပုဒ်မှာ။
(၆၇၆) လိင်, အန္တ, မှတ်၊ ထွေထွေညွတ်၊ သမာသ်နောက် ပုဒ်မှာ။
(၆၇၇) သမာသ်တွင်း၌၊ ပုဒ်ချင်း ဓလေ့၊ အစဉ်ရွေ့၊ ရှေ့ နောက်ပြန်သည်သာ။
(၆၇၈) နိပါတ်ရုဠှီ, နာမ်ရုဠှီနှင့်၊ အမည်, ဂုဏ်, ဇာတ်၊ ပုဒ်အာချာတ်၊ သမာသ်-ဝင်သည်သာ။
(၆၇၉) နိဒ္ဓါရဏ၊ ပူရဏ, နှင့်၊ နိဋ္ဌ, တစ်ရပ်၊ အယုတ္တတ်, သမာသ်မတွဲရာ။
(၆၇၉) ပိုဒ်ပေါင်းခြောက်ဆယ်၊ ကဗျာခြယ်၊ ဤဝယ် သမာသ် ပြီး။
သဒ္ဒသံခိပ်သမာသ်ပြီး၏။
------- * ------