သနပ်ခါးပင်ဘွဲ့ တေးထပ်
ပုလဲရည် ငွေနှင်းပျို့၊
လေသွင်းချို့သုတ်ခါ
ရွှေတွင်းမြို့ဥတ္တရာဝယ်၊
ရုက္ခမာ သာမော၊
နွဲ့ကြူးဆင့် ကဲထူးလှိုင်သည်၊
လဲဘူးမြိုင် ပန်းစုံတဲ့တော။
စိမ့်စမ်းကျ ထွေထွေသွန်၊
ရေတံခွန်ကျလျှော၊
ဟေမဝန်မြကြော၊
နံ့သာတောရင့်မှုံ၊
လှလိုက်တာပင်သနပ်ခါး၊
ရှင်နတ်များစိုက်ထားသည့်ပုံ။
အရိုးက ကတိုးထုံသည်၊
အခိုးစုံ ပင်စည်လျှောက်ပါလို့၊
အခေါက်က လေးတရာ၊
မွှေးတဲ့နံ့သာ၊
ရွှေတသန်း ဘွေမန်းညာမှာ၊
ရွှေဂန္ဓာဆင်မြန်းဘို့လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |