သိမ်မျိုးစုံမဟာဋီကာ/ယခုကာလ ဒွန်တွဲကမ္မဝါစာဖတ်ပုံ အပ် မအပ်
ဒွန်တွဲကမ္မဝါစာ ဖတ်ရာ၌ ဗုဒ္ဓရက္ခိတော စ ဓမ္မရက္ခိတော စ သံဃရက္ခိတော ၈ အာယသ္မတော သာရိပုတ္တဿ ဥပသမ္ပဒါပေက္ခော စသော ဝိနယဝိနိစ္ဆယဋီကာ (ဒု၊ ၁၇၄။)၌ အယံ သဒ္ဒါ, မပါ။ ဒဗ္ဗဝါစက,နောင် စ-ထိုင်၏။
ဝိမတိဝိနောဒနီ (ဒု၊ ၁၃၁။) ၌ကား - အယံ ဗုဒ္ဓရက္ခိတော စ အယံ ဓမ္မရက္ခိတော စ အာယသ္မာတော သံဃရက္ခိတဿ ဥပသမ္ပဒါပေက္ခော စသည်ဖြင့် အစ၌ အယံသဒ္ဒါနှင့်တကွ ဒဗ္ဗဝါစကနောင် စ-ထိုင်၍ ဧကဝုစ်ဖတ်နည်းလာ၏။ ထိုဧကဝုစ်ဖတ်နည်းသည် ပါရာဇိကဏ်ပါဠိတော်၊ ဘေဒါနုဝတ္တကသိက္ခာပုဒ်လာ ဒွန်ကမ္မဝါစာ ဗဟုဝုစ်ဖတ်နည်းနှင့် လည်းကောင်း၊ ဘိက္ခုနီဝိဘင်း နဝမသံဃာဒိသေသသိက္ခာပုဒ်လာ ဒွန်ကမ္မဝါစာ ဗဟုဝုစ်ဖတ်နည်းနှင့် လည်းကောင်း၊ စူဠဝါသမထက္ခန္ဓက ဥဗ္ဗာဟိက ဒွန်တွဲကမ္မဝါစာ ဗဟုဝုစ်ဖတ်နည်းနှင့်လည်းကောင်း မညီသောကြောင့် စိတ်ချလက်ချ ယုံကြည်လောက်သည်မဟုတ်ကြ။ ဉတ်ကမ္မဝါစာ ဝိနည်းအရာ သာဓကခိုင်မြဲစွာ ပါဠိ အဋ္ဌကထာ တိုက်ရိုက်ရှိမှပင် ယုံကြည်လောက်ရာသည်။ ထို့ကြောင့် ဘုရားသဗ္ဗညုဟော ပါဠိတော်တို့ကို အထပ်ထပ်ကြည့်ရှုဖတ်ကြရာသတည်း။