အောင်ဆုပန် ဥုံ နမော ဂါထာ
ဥုံ နမော တေ ဝိဇေတုံ မေ၊
ယတော ဒဒတော ဇယံ။
နဋ္ဌတ္ထမ္ဘံ သဗ္ဗသန္တံ၊
ကရ မေ ဇယ မင်္ဂလံ။
ဥုံ– အန္တ ရာယ်ကင်း, ရန်စွယ်ရှင်း၍, ကောင်းခြင်းစဉ်ကာ, မယှဉ်သာအောင်, မင်္ဂလာကြီး, ဖြစ်ပါစေသတည်း။ နဋ္ဌတ္ထမ္ဘ- ထောက်ပံ့မည့်လူ, ကူညီမည့်နတ်, ရံပတ်ဝဲယာ, ဗြဟ္မာလည်း မရှိပါဘဲ။ သဗ္ဗသန္တ– ကိုယ်နေရှိန်မပျက်, တသိရ်ထွက်သို့, ငြိမ်သက်ဖွေးဖြူ , အေးအေးလူလူသာလျှင်။ ဇယတော- ပါရမီစက်ဟုန်, လက်နက်စုံဖြင့် ချက်ကုန်မလွဲ, ပွဲတိုင်းမရှောင်, နွှဲတိုင်းပင်အောင်တော်မူပေထသော။ ဇယံ ဒဒတော– အောင်ရန်စည်းကမ်း, အောင်နည်းလမ်း၌, မှီးငြမ်းမလစ်, အသစ်အဆန်း, တစ်ဂဏန်းက, မှန်းဆ၍မျှော်, ပန်းရအောင်လည်း, လမ်းပြပေးသနားတော်မူထသော။ တေ-တဝ- မကိုဋ်ရောင်လျှံ, သျှောင်ပျံမှာ, အောင်လံစွင့်စွင့်, လွှင့်တလူလူ, အောင်တော်မူမြတ်ဘုရားအား။ မေ- မအောင်သေးခင်, အောင်ကြွေးတင်၍, အောင်မြင်ရန်မျှော်, တပည့်တော်၏။ ဝိဇေတုံ- မရှောင်ခပင်း, အခေါင်နင်း၍, အောင်ခြင်းကြီးအောင်ပါရခြင်း အကျိုးငှာ။ နမော- အောင်ခဲ့သည့်တန်ခိုးဂုဏ်ကို, အမျိုးစုံမှန်းဆ၍ တမ်းတ ရှိခိုးပါ၏ဘုရား။ မေ- မအောင်သေးခင်, အောင်ကြွေးတင်၍, အောင်မြင်ရန်မျှော်, တပည့်တော်အား။ ဇယမင်္ဂလံ- အောင်ရန်အတိတ်, အောင်နိမိတ်ဖြင့်, အောင်ဘိသိက်သွင်း, အောင်ဟိတ်ကျင်း၍, အောင်ခြင်း ဆင်ကာ, မင်္ဂလာကို။ ကရ- သပြေအနု, ငွေခရုဖြင့်, ဇေယတုပုံ, မေရုတုန်အောင်, အဖုံဖုံအမှုအေးစေဖို့, ပြုပေးတော်မူပါ့ အောင်တော်မူအရှင်မြတ်ဘုရား။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |