၁၉၄၈ ခုနှစ်၊ အမှတ် ၅ စစ်ဥပဒေထုတ်ပြန်ကျေညာချက်
သမတအိမ်တော်၊ ရန်ကုန်မြို့။
စစ်ဥပဒေကျေညာချက်။
၁၉၄၈ ခုနှစ်။ ထုတ်ပြန်ကျေညာချက်အမှတ် ၅။
၁၃၁၀ ခုနှစ်၊ တန်ဆောင်မုန်းလဆန်း ၆ ရက်။
(၁၉၄၈ ခု၊ နိုဝင်္ဘာလ ၆ ရက်။)
လူမသမာများနှင့် လူမသမာများပါဝင်သည့် အဖွဲ့အစည်းများ၏ ထကြွသောင်းကျန်းမှု ကြောင့်၊ ပြည်ထောင်စုနိုင်ငံတော်၏ လုံခြုံရေးကို၎င်း ဖွဲ့စည်းအုပ်ချုပ်ပုံအခြေခံဥပဒေ အာဏာလွှမ်းမိုး မှုကို၎င်း၊ ထိခိုက်မည့်အလွန်အရေးကြီးသည့် အခြေအနေသို့ရောက်ရှိနေသည်တကြောင်း။
ဤသို့ထကြွသောင်းကျန်းမှုကြောင့်၊ များလှစွာသောတိုင်းသူပြည်သားတို့သည်၊ သတ်ဖြတ်ခြင်းခံရသည့် ပြင်၊ ဥစ္စာပစ္စည်းလည်းအမြောက်အမြားဖျက်ဆီးခြင်းခံရသည်ဖြစ်သောကြောင့်လည်းတကြောင်း။
ပြည်ထောင်စုမြန်မာနိုင်ငံတော်၏ လုံခြုံမှုအတွက်နှင့်ပြည်ထောင်စုမြန်မာနိုင်ငံတော်၏ ဖွဲ့စည်းအုပ်ချုပ်ပုံ အခြေခံဥပဒေ တည်မြဲရေးအတွက်ဥပဒေ ထုတ်ပြန်ကျေညာရန် လိုအပ်သည်လည်းတကြောင်း။
ထိုအကြောင်းများကြောင့်၊ ပြည်ထောင်စုမြန်မာနိုင်ငံတော်သမတ ကျွန်ုပ်စပ်ရွှေသိုက်က၊ ကျွန်ုပ်အား အပ်နှင်းထားသည့် အာဏာများအရ၊ အောက်ပါအတိုင်းအမိန့်ထုတ်ပြန်သည်။
၁။ ဤထုတ်ပြန်သည့်အမိန့်ကို ၁၉၄၈ ခုနှစ်၊ အမှတ် ၅၊ စစ်ဥပဒေ ထုတ်ပြန်ကျေညာချက် ဟုခေါ်ရမည်။
၂။ ဤအမိန့်ကို ထုတ်ပြန်ကျေညာသည့်နေ့ရက်မှစ၍၊ သုံးလအပိုင်းအခြားအဘို့၊ (၁) ရမည်းသင်းခရိုင်အတွင်းရှိ၊ ပျဉ်းမနားဆပ်ဒီဝီဇံ၊ မြင်းခြံခရိုင်အတွင်းရှိ (၂) မြင်းခြံဆပ်ဒီဝီဇံနှင့်၊ (၃) ပုဂံဆပ်ဒီဝီဇံများအတွင်း၌၊ စစ်ဥပဒေအတည်ဖြစ်စေရမည်။
၃။ ငြိမ်ဝပ်ပိပြားရေးနှင့် ပြည်သူ့လုံခြုံရေးကိုတည်မြဲအောင် ဆောင်ရွက်ရာ၌ကူညီရန်၎င်း၊ ဤထုတ်ပြန် ကျေညာချက်အရ၊ စစ်ဘက်ဆိုင်ရာအာဏာပိုင်များက၊ ပြဋ္ဌာန်းသတ်မှတ်သည့်အမိန့်နှင့် စည်းမျဉ်းဥပဒေ များကို လိုက်နာဆောင်ရွက်ရန်၎င်း၊ တရားဥပဒေစောင့်သိရိုသေသောတိုင်းသူပြည်သားအားလုံးတို့အား ဆင့်ဆိုလိုက်သည်။
စဝ်ရွှေသိုက်၊
နိုင်ငံတော်သမတ၊
ပြည်ထောင်စုမြန်မာနိုင်ငံတော်။
ရန်ကုန်မြို့၊ ၁၃၁၀ ခု၊ တန်ဆောင်မုန်းလဆန်း ၆ ရက်။
(၁၉၄၈ ခု၊ နိုဝင်္ဘာလ ၆ ရက်။)
အမိန့်အရ၊
ရွှေဘော်၊
နိုင်ငံတော်သမတအတွင်းဝန်။
[အမှတ် ၂၂၅]